Tuesday, 2 July 2013

...


t = 1:40 am


الإحباط النهارده فشيخ..ـ


الناس اللي بتهتف للجيش والشرطة، انتو لحقتوا تنسوا؟
بـ أمارة ايه عايزين العسكر يحكموا وبترفعوا ضباط الداخلية على كتافكم؟؟
إنك تبقى ماشي في المسيرة وتسمع "الشرطة والشعب ايد واحدة" والضباط فرحانين و بـ يزيطو
هي الداخلية اتنضفت من الأوساخ اللي فيها؟
مش هما دول اللي كانو بيوقفوك في الشارع ويذلوك ولو تفّو عليك ماكنتش هتقدر تعمل لهم حاجة؟
مش هما دول اللي كنت تبقى خايف تخش عندهم القسم عشان تطلب حقك في إنهم يحموك لإنك ممكن ماتطلعش من القسم حي؟

و اللي عايزين الجيش يمسك البلد وبيهتفوا "انزل يا سيسي" انتو نسيتوا علاء عبدالهادي والشيخ عماد عفت وست البنات؟
يا متخلف انتا عشت 60 سنة في حكمهم مالكش صوت ولا تمن وهمّا اللي وصلوك لدرجة إنك لو مهاجرتش فـ أنت مش هتعرف تعيش في البلد دي
انتوا ازاي نسيتوا 28 يناير ومحمد محمود ومجلس الوزرا وذكرى محمد محمود و الإتحادية؟؟
هو دم البني آدمين رخيص عندكم انتو كمان؟؟



كلنا متضايقين ومحبطين من الوضع..ـ
وليد راح يقعد مع نفسه.. فضلت أنا مع جبر شوية وبعدين قمت اسمع الإشتراكيين الثوريين رجعت مالقيتوش.. أنا في سيدي جابر قاعد لوحدي في مكان هادي أوي بعيد شوية عن التجمع بتاع الناس..ـ


محبط فشخ ونفسي فـ أي حاجة تنسيني كل ده.. سجاير، خمرة، حشيش، أو حتى تعشير..ـ
بس أنا بعيد عن كل ده (مش عارف اتضايق من كده ولا اتبسط)ـ
أنا شكلي هفضل هنا شوية...ـ

There's a break in the wall
You can feel it
It's letting us all escape
So people tell me you need
The waking day
To fall asleep


اه بالمناسبة، كسّم مبارك والعسكر والفلول والإخوان واللي بيحترمهم.


5 comments:

wafaa elkazaz said...

ميتين أبو اللى جابهم

فاتيما said...

معاك ف آخر سطر جدا
وف كل البوست
بس متقلقش
الكرنفاليين هيروحوا بعد شوية
وهيفضل بتوع الهدف والمبدأ
وان شاء الله مكملين
متخفش على ثورتك وحلمك
ان شاء الله يتحقق وتشوفه بعينك

نخلص من ألعن خلق الله .. الاخوان والمتأسلمين دول
وبعد كدا أى شىء محتمل
وممكن التعامل معاه صدقنى ..

ربنا كبير


وخلى بالك من نفسك أرجوك

ربنا يسلمك ويسلم البلد اللهم آمين

Nour Sherif Mohammad said...

@wafaa elkazaz
(Y)

@فاتيما
كالعادة كلام حضرتك بـ يجيب مالآخر ومابلاقيش رد بعديه، معلش اعذرينيي

Mahmoud Bahgat said...

طبعا أنت عارف انه اللى حصل حصل و احنا مش عارفين غباء اللى حوالينا مودينا على فين
كل واحد بيعمل اللى عليه عشان مصر تبقى أحسن حاجة بس فى شوية ناس من الغباء الشديد انهم لا بيصلحوا البلد و لا عايزين البلد تتصلح و دول منتشريين فى كل فصائل المجتمع و من حظهم الحلو و حظنا الطين انهم بيبقوا قيادات فى فصائلهم فبنلبس احنا فى الحيط
بس بإذن واحد أحد ربنا هيحلها من عنده بس لازم نتحلى بالصبر حتى النصر على كل دعاة الفتن و كل اللى بيكره مصر و عايز يخربها
دمت و دامت كلماتك براقة مضيئة بنور رجال الغد اللى مش طايق حد

شركة التميز said...

انت عندك حق اخى واريد ان اعرفك ان هناك مؤسسه فى السعودية بتطلب عماله افضل حل السفر الى
افضل شركة
كشف تسربات المياه
بنقدم لكم افضل العروض الموجوده فى الوطن العربى لمكافحة تسربات المياه
We offer you -fighting water leaks Service
وفروع شركتنا فى

كشف تسربات المياه بالرياض


كشف تسربات المياه بجدة

كشف تسربات المياه بالدمام

كشف تسربات المياه بدون تكسير

كشف تسربات المياه بالمدينة المنورة

Post a Comment